У Беларусі 21 лютага пройдзе Рэспубліканская дыктоўка па беларускай мове. Яе арганізуе Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі да Міжнароднага дня роднай мовы. Прыняць удзел анлайн могуць усе жадаючыя.
Дыктоўка пройдзе з 13:00 да 14:00 у рэжыме анлайн-трансляцыі на Youtube-канале Інстытута мовазнаўства імя Якуба Коласа і ў ZOOM. Таксама будзе прамая трансляцыя на канале «Культура» Беларускага радыё.
Калі вы хочаце пісаць дыктоўку ў ZOOM, неабходна да 20 лютага прайсці рэгістрацыю па спасылцы.
Удзельнікі, якія будуць пісаць тэкст непасрэдна ў Інстытуте, ужо зарэгістраваныя: месцы былі абмежаваныя.
Мэта гэтага мерапрыемства — даць магчымасць усім жадаючым праверыць узровень сваёй пісьменнасці на роднай мове.
А таксама «праявіць салідарнасць, прадэманстраваць сваю любоў і павагу да беларускай мовы, у чарговы раз звярнуць увагу на яе прыгажосць, мілагучнасць, адчуць смак і энергію беларускага слова», — тлумачыць дырэктар філіяла «Інстытут мовазнаўства імя Якуба Коласа» Цэнтра даследаванняў беларускай культуры, мовы і літаратуры НАН Беларусі Ігар Капылоў.
Слоўнікавыя словы ў ЦЭ/ЦТ па беларускай мове
Капылоў расказаў, што тэкст падабраны спецыяльна да Года міру і стварэння, у ім будзе паказана прыгажосць Беларусі.
У розных краінах 21 лютага адзначаецца Міжнародны дзень роднай мовы. Ініцыятыва накіравана на прызнанне і заахвочванне да выкарыстання родных моў.
Даведайцеся пра нашы курсы падрыхтоўкі да ЦЭ і ЦТ. Дзякуй, што дачыталі да канца. Мы рады, што адказалі на вашы пытанні.
***
Калі хочаце апублікаваць гэты тэкст на сваім сайце або ў сацыяльнай сетцы, звяжыцеся з намі па адрасе info@adukar.by. Перадрук матэрыялаў магчымы толькі з пісьмовай згоды рэдакцыі.
