На ЦТ па мове рэгулярна сустракаюцца заданні на фразеалагізмы. Каб вы добра падрыхтаваліся да ЦЭ ці ЦТ па беларускай мове, прапаноўваем азнаёміцца з тымі фразеалагізмамі, якія былі ў тэстах 2022 года.
Адкуль ні вазьміся — нечакана, раптам; як снег на галаву, як Піліп з канапель, ні з таго ні з сяго.
Адчыніць вакно ў свет — даць свабодны доступ, даць шырокія магчымасці для развіцця.
Адыграць ролю — мець значэнне, аказаць уздзеянне.
Біць лынды — гультаяваць, бяздзейнічаць.
Браць пад крыло — дапамагаць каму-небудзь, апекаваць.
Будаваць паветраныя замкі — планаваць нерэальнае, нездзяйсняльнае.
Валіцца з ног — быць знясіленым, вельмі слабым.
Вочы разбягаюцца — калі хто-небудзь не можа засяродзіцца на чым-небудзь адным з мноства прадметаў, разнастайнасці ўражанняў.
Вушы вянуць — прыкра, непрыемна слухаць што-небудзь.
Выбыць (выйсці) са строю — страціць працаздольнасць, баяздольнасць;перастаць дзейнічаць, зламацца.
Вынесці за дужкі — не лічыць каго- ці што-небудзь састаўной часткай чаго-небудзь, прадметам увагі, аналізу і пад.
Галава ходырам ходзіць — хто-небудзь страціў здольнасць цвяроза разважаць ад мноства спраў, перажыванняў.
Да ніткі — абкарасці, абрабаваць каго-небудзь.Дарога адкрыта — усё магчыма, усё залежыць ад чалавека.
Дзе наша не прападала — выказванне рашучасці перад прыняццем якога-небудзь рашэння.
Дзе сядзеш там і злезеш — пра чалавека, якога немагчыма да чаго-небудзь прымусіць.
Душа не прымае — няма схільнасці, сімпатыі да каго- ці чаго-небудзь.
Дым каромыслам — шум, беспарадак, сумятня.
Месца пад сонцам — права на існаванне, трывалае, высокае месца ў грамадстве.
Звярнуць горы — выканаць празмерна вялікую работу, справу.
Кінуць вокам — як толькі можна ўбачыць (пра адлегласць), як толькі далёка бачыць вока.
Колькі было сілы — максімальна напружваючыся, напружваючы ўсю моц, усю сілу.
Куды вочы глядзяць — не выбіраючы шляху, дарогі, куды папала; без мэты.
Куды гэта варта — вельмі дрэнна, непрыстойна.
Куды ні шло — ладна, няхай будзе гэтак.
Наводзіць масты — наладжваць кантакты з кім-небудзь.
Ногі кормяць — чыя-небудзь плённая праца патрабуе бегатні, амаль сталага знаходжання ў руху.
Падводныя камяні — скрытая, невядомая перашкода.
Папасціся на вочы — выпадкова прыцягнуць чыю-небудзь увагу.
Першыя крокі — самы пачатак якіх-небудзь дзеянняў або дзейнасці.
Пішы прапала — пра што-небудзь безнадзейнае, згубленае.
Поўнай жменяй — шчодра, не шкадуючы.
Рукі не даходзяць — няма часу зрабіць што-небудзь.
Узяцца за гуж — пачаць якую‑небудзь сур’ёзную справу.
Хоць гаць гаці — вельмі многа, вялікая колькасць каго- або чаго-небудзь.
Што праўда то праўда — сапраўды, на самой справе.
Як на заказ — пра тое, што адпавядае якому‑небудзь патрабаванню, з’яўляецца ўзорным, выдатным.
Даведайся аб нашых курсах падрыхтоўкі да ЦТ і ЦЭ. Дзякуй, што дачытаў да канца. Мы рады, што адказалі на твае пытанні.
Не прапускай важныя навіны і падпісвайся на наш YouTube, ВК, Instagram, Telegram, Facebook.
***
Калі хочаце апублікаваць гэты тэкст на сваім сайце або ў сацыяльнай сетцы, звяжыцеся з намі па адрасе info@adukar.by. Перадрук матэрыялаў магчымы толькі з пісьмовай згоды рэдакцыі.
