Працягваем разбіраць складаныя заданні ў ЦТ па школьных прадметах. На гэты раз зазірнулі ў статыстыку ЦТ онлайн па беларускай мове і высветлілі, якія тэмы даюцца абітуріентам цяжэй за ўсё. І гэта не арфаграфія.
У тэсце па беларускай мове 40 заданняў: 30 — у частцы А і 10 — у частцы В. Іх змест ты можаш убачыць на інфаграфіцы або ў спецыфікацыі ЦТ па мове.
Разбіўка па раздзелах у ЦТ онлайн на сайце Адукар крыху іншая, але змест яе той жа. Згодна са статыстыкай сервіса, больш памылак абітурыенты робяць у заданнях па тэмах «Фразеалогія», «Словаўтварэнне» і «Маўленне». Па інфаграфіцы бачна, што працэнт правільных адказаў тут самы нізкі: 13%, 14% і 15% адпаведна. А гэта 7 з 40 заданняў ЦТ і прыкладна 17%. Каб іх выканаць правільна, неабходна ведаць нормы сучаснай беларускай мовы, прыметы тэксту, тыпы і стылі маўлення, разбірацца ў спосабах утварэння слоў, умець тлумачыць значэнне фразеалагізмаў і гэтак далей.
Хочаш праверыць, як у цябе справы з гэтымі тэмамі? Заходзь у ЦТ онлайн па беларускай мове і рашай адпаведныя тэсты. Таксама не лянуйся паўтарыць правілы па школьных падручніках або адпаведнай літаратуры. А калі патрэбна дапамога, то прыходзь на курсы падрыхтоўкі да ЦТ у Адукар: папрацуеш з выкладчыкам над прабеламі, паўторыш усю неабходную тэорыю і навучышся не баяцца тэсціравання. Плённай падрыхтоўкі!
***
Перепечатка материалов с сайта adukar.by возможна только с письменного разрешения редакции. info@adukar.by
